Ջորջ Օրվել` Լավագույն գրքերը քեզ ասում են այն, ինչ դու արդեն գիտես

1. Լավագույն գրքերը քեզ ասում են այն, ինչ դու արդեն գիտես:

2. Եթե դու փոքրամասնություն ես կազմում կամ նույնիսկ միակն ես, դա դեռ չի նշանակում, որ դու խելագար ես:

3. Եթե ուզում ես որևէ գաղտնիք պահպանել, ապա պետք է այն նաև քեզնից թաքցնես:

4. Ցանկացած արարքի հետևանքները հենց այդ արարքում են:

5. Ամեն ինչ տեղի է ունենում գիտակցության մեջ: Այն, ինչ տեղի է ունենում բոլորի գիտակցության մեջ` տեղի է ունենում իրականում:

6. Քո ոխերիմ թշնամին քո նյարդային համակարգն է:

7. Միայն հակասությունների հաշտեցումն է թույլ տալիս իշխանությունն անսահման երկար պահպանել:

8. Կամավոր լրտեսն է հենց ամենավտանգավորը:

9. Հույս, հավատ, փող. միայն սուրբն է ունակ պահպանել առաջին երկուսն առանց երրորդի:

10. Պատերազմն ավարտելու ամենակարճ տարբերակը պարտություն կրելն է:

11. Ցանկացած գրող, ով մտնում է կուսակցության շարքեր, վաղ թե ուշ ընտրության առաջ է կանգնում` կամ ենթարկվել, կամ լռել:

12. Յուրաքանչյուր սերունդ իրեն համարում է ավելի խելացի քան նախորդն էր և ավելի իմաստուն քան հաջորդը կլինի:

13. Ով ղեկավարում է անցյալը, նա ղեկավարում է ապագան: Նա, ով ղեկավարում է ներկան, ղեկավարում է անցյալը:

14. Մարդը միակ կենդանին է, ով սպառում է` ոչինչ չվերարտադրելով:

15. Ազատությունը` դա հնարավորություն է ասել, որ երկու անգամ երկուսը չորս է:

16. Մարդիկ կարող են երջանիկ լինել միայն մի դեպքում` եթե նրանք երջանկությունը կյանքի նպատակ չհամարեն: