Ֆրենսիս Սքոթ Ֆիցջերալդ` Մտքեր

1. Ինչպիսի սեր ասես որ չի լինում կյանքում, բայց չես կարող երկու անգամ միատեսակ սիրել:

2. Երբեք չես կարող վստահորեն ասել, թե ինչ տեղ ես զբաղեցնում ուրիշի կյանքում:

3. Այս կյանքում կնոջ համար ամենալավ տարբերակը գեղեցիկ հիմարիկ լինելն է:

4. Շատ մարդիկ հակված են չափազանցնել ուրիշների վերաբերմունքն իրենց նկատմամբ. չգիտես ինչու նրանց թվում է, թե իրենք ամեն մեկի մոտ առաջացնում են համակրանքի և հակակրանքի մի բարդ համադրություն:

5. Ամեն մի նոր սիրահարվածություն միշտ ավելի հաստատուն է նախորդից:

6. Սեփական անձի մասին մեծ կարծիքի և ինքնավստահության մեջ մեծ տարբերություն կա: Իսկ ինքնավստահ` տղամարդը միշտ պետք է լինի:

7. Առավել ամուր կողպում են այն դարպասները, որոնք ոչ մի տեղ չեն տանում:

8. Կամքի ուժը միակ սահմանն է բարու և չարի միջև: Ես չեմ հանդիպել մարդու, ով նողկալի կյանք է վարել և չի եղել կամքից զուրկ:

9. Կյանքը կարող է բոլորովին էլ հավասար չլինել իր առանձին հատվածների գումարին:

10. Տղամարդը սիրում է կնոջ մոտ անօգնական երեխա ձևանալ, բայց ավելի հազվադեպ է դա նրա մոտ հաջողվում այն ժամանակ, երբ նա իսկապես իրեն անօգնական երեխայի պես է զգում:

11. Ինչքան էլ որ տարօրինակ է, հենց եսասերներն են ունակ մեծ սիրո:

12. Երևակայություն ունեցող մարդը չի կարող վախ չզգալ:

13. Տասնութ տարեկանում մեր համոզմունքները նման են սարերի, որոնց վրայից մենք նայում ենք աշխարհին, իսկ քառասունհինգ տարեկանում` քարանձավների, որոնց մեջ թաքնվում ենք աշխարհից:

14. Կիրակին օր չէ, այլ նեղ լուսանցք երկու սովորական օրերի միջև:

15. Սկզբում դու խմում ես ալկոհոլ, հետո ալկոհոլն է խմում ալկոհոլ, իսկ հետո ալկոհոլը խմում է քեզ:

16. Պետք չէ միանգամյա անհաջողությունն ընդունել որպես լիակատար պարտություն: