Ստեֆան Ցվայգ` մտքեր

1. Մեծ հուսահատությունը միշտ մեծ ուժ է ծնում:

2. Չկա ավելի սարսափելի բան, քան մենակությունը մարդկանց կողքին:

3. Երջանկությունը նոր ընկերներ է բերում, իսկ դժբախտությունը ստուգում է նրանց:

4. Անտեղյակությունը մանկության մեծ առավելությունն է:

5. Պետք չէ ամաչել, երբ կյանքը երբեմն հիմար վիճակի մեջ է գցում ձեզ:

6. Այնքան էլ կարևոր չէ, թե ինչպես է սկսվում գործը` վստահորեն թե անվստահությամբ, կարևոր է, թե ինչպես է այդ ամենը վերջանում:

7. Մեծ և բարի գործերը միշտ միավորում են մարդկանց:

8. Երիտասարդ տարիքում բոլորին թվում է, թե հիվանդություններն ու մահը սպառնում են ում պատահի, միայն թե ոչ իրեն:

9. Լավ է միայն ամբողջական ճշմարտությունը, թերի ճշմարտությունը ոչինչ չարժե:

10. Կյանքը ոչինչ չի տալիս անվարձահատույց, և այն ամենը` ինչ տրվում է ճակատագրով, իր գաղտնի գինն ունի:

11. Կասկածամտությունը մարդկային գիտելիքների վատագույն թշնամին է:

12. Ոչ մի բժիշկ ուժասպառ հոգու և մարմնի համար չունի ավելի լավ դեղատոմս, քան հույսն է:

13. Ով մեկ անգամ գտել է ինքը իրեն, նա ոչինչ չի կարող կորցնել այս աշխարհում, և նա, ով գտել է մարդ արարածին իր ներսում, նա կհասկանա բոլոր մարդկանց:

14. Գիրքը բոլոր գիտելիքների ալֆան ու օմեգան է, նա սկզբնաղբյուրն է յուրաքանչյուր գիտության: