Դիեգո Մարադոնա. Արգենտինան ես եմ

Արգենտինացի լեգենդար ֆուտբոլիստ Դիեգո Մարադոնան հայտնի է ոչ միայն իր փայլուն խաղով, բազմապիսի սկանդալներով, Կուբայի հանդեպ անթաքույց սիրով, այլ նաև  սուր և հետաքրքիր մտքերով: 

Մարադոնայի` տարբեր տարիներին արտահայտած մտքերից որոշները ներկայացված են ձեր ուշադրությանը:

Արգենտինան ես եմ:

Մայրս ինձ միշտ ասում է, որ լավագույնն եմ: Ես նրա հետ վիճելու սովորություն չունեմ:

Մարադոնան կարող է սև կամ սպիտակ լինել: Մոխրագույն երբեք չեմ լինի:

Ով կասի, թե Մեսսին վատ էր խաղում Աշխարհի առաջնությունում, հիմար է:

Ես քաղաքական գործիչներից լավն եմ. նրանք հանրային մարդ են, ես` հայտնի:

Կնոջս երբեք չեմ դավաճանել: Եթե դա անեի, չէի խոստովանի: 

Ամբողջ աշխարհում միլիոնավոր Բեքհեմներ են խաղում:

Մեսսիի հետ կապ հաստատելն անհնար է: Ավելի հեշտ է զանգահարել Օբամային:

Ես կարող եմ Բեն Լադենի պես վատը լինել, եթե պետք լինի պաշտպանել ընտանիքիս պատիվը:

Ես հագնում էի հավաքականի մարզաշապիկն ու այն դառնում էր մաշկս: Այդպես կլինի միշտ:

Խնդիրն այն է, որ Մադրիդի «Ռեալում» բոլորն իրենց աստղ են զգում:

Աղջիկներիս փեսացուների հետ դժբախտ պատահարներ տեղի կունենան, եթե գեթ մեկ անգամ ստիպեն նրանց լաց լինել:

Կարծում եմ, որ Բուշը մարդասպան է:

Աստված ինձ տաղանդ է տվել, դրա համար էլ խաչակնքվում եմ դաշտ դուրս գալիս: Կարծում եմ, որ եթե այդպես չանեմ, դավաճանություն կլինի:

Այս ամենին ես մեծ ջանքերի շնորհիվ եմ հասել: Եթե որևէ մեկը հերքի դա, կհամբուրի հետույքս:  

Հավաքականում աշխատելու համար ձեռքս կտայի: Նույնիսկ կյանքս կտայի: Կարծում եմ, որ հնարավորություն ունեմ...

Պլատինին ֆրանսիացի է, իսկ մենք գիտենք, թե ինչ են իրենցից ներկայացնում այդ մարդիկ: Նրանք անկեղծորեն հավատում են, որ բոլորից լավն են:


Աղբյուր`  www.Allsport.am